ଆଜି ଶ୍ରୀମନ୍ଦିରରେ ବାମନ ଜନ୍ମ ନୀତି

ରବିବାର ଭାଦ୍ରବ ଶୁକ୍ଳ ଦ୍ୱାଦଶୀ ତିଥିରେ ଶ୍ରୀମନ୍ଦିରରେ ବାମନ ଜନ୍ମ ନୀତି ଅନୁଷ୍ଠିତ ହେବ । ଏଥିପାଇଁ ମଧ୍ୟାହ୍ନଧୂପ ଛେକ ଆସିବା ପରେ ଶ୍ରୀମନ୍ଦିରରେ ମହାପ୍ରଭୁଙ୍କ ଦର୍ଶନ କଟକଣା  ରହିବ । ଶ୍ରୀମନ୍ଦିର ପ୍ରଶାସନ ଦ୍ୱାରା ପ୍ରଦତ୍ତ  ସୂଚନା ଅନୁସାରେ ପ୍ରାୟତଃ ଅପରାହ୍ଣ  ୫ଟାରୁ ରାତି ୮ଟା ପର୍ଯ୍ୟନ୍ତ ସର୍ବସାଧାରଣ  ଦର୍ଶନ ବନ୍ଦ ରହିବ ବୋଲି ସୂଚନା ରହିଛି ।

ଭୋଗମଣ୍ଡପ ସରିଲା ପରେ ଯାତ୍ରାଙ୍ଗୀ ମହାସ୍ନାନ ଓ ଘଣ୍ଟଛତା ସର୍ବାଙ୍ଗ ନୀତି ବଢ଼ି  ଗତଦିନରୁ ଅଧିବାସ ହୋଇଥିବା ପବିତ୍ରା  ଲାଗି କରାଯାଇ ଠାକୁରଙ୍କୁ ଛଅମୂର୍ତ୍ତି  ତଡ଼ାଉ ଲାଗି କରାଯିବ । ପରେ ଜୟବିଜୟ  ଦ୍ୱାର ବନ୍ଦ କରାଯାଇ ବାମନ ଜନ୍ମନୀତି  ହେବ । ଏଥିସହ ଶ୍ରୀମନ୍ଦିରରେ ଗରୁଡ଼  ପାଶ୍ୱର୍ପରିବର୍ତ୍ତନ, ସୁନିଆଁ, ଇନ୍ଦ୍ରଧ୍ୱଜା ପୂଜା  ସମେତ ମାସାନ୍ତ ଓ ଶ୍ରବଣା ମକର ନକ୍ଷେତ୍ର  ନୀତି ଅନୁଷ୍ଠିତ ହେବ । ସୋମବାର ଠାକୁରଙ୍କ  ବଳିବାମନ ବେଶ ଅନୁଷ୍ଠିତ ହେବ।