ସମ୍ଭାବ୍ୟ ବାତ୍ୟା “ଦାନା’କୁ ନେଇ ଲୋକ ଛାନିଆ ହୋଇ ପଡ଼ିଛନ୍ତି । ଏହାର ଫାଇଦା ଉଠାଉଛନ୍ତି କିଛି ଅସାଧୁ ବ୍ୟବସାୟୀ । ଅତ୍ୟାବଶ୍ୟକ ସାମଗ୍ରୀ କଳାବଜାର କରିବା ଆରମ୍ଭ କରି ଦେଲେଣି । ହଠାତ୍ ସବୁ ଦରଦାମ୍ ବଢ଼ାଇ ଦେଇଛନ୍ତି । ଅସ୍ତରଙ୍ଗ ଅଞ୍ଚଳର କେତେକ ସ୍ଥାନରେ ଖୁଚୁରା ବ୍ୟବସାୟୀମାନେ ଆଳୁ କିଲୋ ୪୦ ଟଙ୍କାରେ ବିକ୍ରି କରୁଥିବା ଅଭିଯୋଗ ହୋଇଛି । କେଜି ପ୍ରତି ପାଖାପାଖି ୧୦ ଟଙ୍କା ବୃଦ୍ଧି କରିଛନ୍ତି । ସେହିପରି ପିଆଜ କିଲୋ ୬୦ଟଙ୍କା ଥିବାବେଳେ ତାହା ଏବେ ୬୫ରୁ ୭୦ଟଙ୍କାରେ ବିକ୍ରି ହେଉଛି । ଏ ବାବଦରେ ପଚାରିଲେ ବ୍ୟବସାୟୀମାନେ ଅଜବ ଉତ୍ତର ଦେଉଛନ୍ତି । କହୁଛନ୍ତି, ବାତ୍ୟା ଆସୁଛି, ଆଳୁ ଗାଡ଼ି ଆସି ନପାରେ । ଯେତିକି ଅଛି ସେତିକିରେ ବେପାର କରୁଛୁ । ହଠାତ୍ ଦରଦାମ୍ ବୃଦ୍ଧି ହେବାରୁ ଗ୍ରାହକଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି ।
