ଜେଲର ପୂର୍ବତନ ସୁପରିଟେଣ୍ଡେଣ୍ଟ ଭିଜିଲାନ୍ସ ଜାଲରେ.

ଭିଜିଲାନ୍ସ ଜାଲରେ ଝାରପଡା ଜେଲର ପୂର୍ବତନ ସୁପରିଟେଣ୍ଡେଣ୍ଟ । ଆୟବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ଝାରପଡା ଜେଲର ପୂର୍ବତନ ସୁପରିଟେଣ୍ଡେ ସତ୍ୟ ପ୍ରକାଶ ସ୍ବାଇଁଙ୍କ ଘରେ ଛପା ମାରିଛି ଭିଜିଲାନ୍ସ । ସତ୍ୟ ପ୍ରକାଶ ଏବେ କେନ୍ଦୁଝର ମୁଖ୍ୟ ଜେଲର ସୁପରିଟେଣ୍ଡଣ୍ଟ ଭାବେ ଦାୟିତ୍ୱ ରେ ଅଛନ୍ତି । ଆଜି ଭିଜିଲାନ୍ସ ୭ଟି ସ୍ଥାନରେ ଚଢ଼ାଉ ଜାରି ରଖିଛି । ତେବେ ଜେଲ ସୁପରିଟେଣ୍ଡ ସତ୍ୟ ପ୍ରକାଶ କେମିତି କୋଟିପତି ହେଲେ ତାର ଖିଅ ଖୋଜୁଛି ତଦନ୍ତକାରୀ ଟିମ ।ଜେଲ ବିଭାଗରେ ଭିଜିଲାନ୍ସ ଏଣ୍ଟ୍ରି । ଝାରପଡା ଜେଲର ପୂର୍ବତନ ସୁପରିଟେଣ୍ଡେଣ୍ଟ ସତ୍ୟ ପ୍ରକାଶ ସ୍ଵାଇଁଙ୍କ ଘରେ ଭିଜିଲାନ୍ସ ରେଡ୍ । ଚଢ଼ାଉ ବେଳେ ଜେଲ ବାବୁଙ୍କ ସମ୍ପତ୍ତି ଦେଖି ଜଳକା ଭିଜିଲାନ୍ସ ଟିମ । ଭୁବନେଶ୍ବର ଝାରପଡାରେ ରହିଛି ଦେଢ଼ କୋଟି ଟଙ୍କାର ଘର। ଘର ଭିତରେ ଲୁଚାଇ ରଖିଥିଲେ କଳାଧନ। ଘରୁ ଜବତ ହୋଇଛି, ପୁଳା ପୁଳା ମୋବାଇଲ ଫୋନ, ହାତ ଘଣ୍ଟା, ସୁନା ଅଳଙ୍କାର ସାଙ୍ଗକୁ ମାଳ ମାଳ ପ୍ଲଟର କାଗଜପତ୍ର । ଗୋଟିଏ ବର୍ଷରେ କିଭଳି କଲେ ଦେଢ଼ କୋଟି ଟଙ୍କାର ଘର। ଯାଞ୍ଚ ବେଳେ ସାମନାକୁ ଆସିଛି ବହୁ ଚାଞ୍ଚଲ୍ୟକର ତଥ୍ୟ ।